ამ 6 შეთავაზების განხილვის და გაზიარების შემთხვევაში, ჩვენ შეიძლება მივაღწიოთ ძალიან ბევრს, - ამის შესახებ დღეს გამართულ ბრიფინგზე საქართველოს პრეზიდენტმა, გიორგი მარგველაშვილმა განაცხადა.
მისი თქმით, პირველ რიგში დოკუმენტს საპარლამენტო და არასაპარლამენტო ოპოზიციის მხარდაჭერა ექნება.
„ამ 6 შეთავაზების განხილვის და გაზიარების შემთხვევაში, ჩვენ შეიძლება მივაღწიოთ ძალიან ბევრს. პირველ რიგში ჩვენ მივიღებთ კონსტიტუციას, რომელსაც ექნება ოპოზიციის ხმები და პარლამენტს გარეთ მყოფი პოლიტიკური ძალების მხარდაჭერა. ჩვენ ვაჩვენებთ იმას, რაზეც არაერთგზის გვილაპარაკია, ევროპულ პოლიტიკურ კულტურას და რაზეც მოგვიწოდებს ვენეციის კომისია. ჩვენ მივიღებთ თანხმობის დოკუმენტს“, - აღნიშნა პრეზიდენტმა.
ცნობისთვის, პრეზიდენტმა საკონსტიტუციო ცვლილებების პროექტის ექვს პუნქტს ვეტო დაადო.
