მოსკოვის საქალაქო სასამართლომ ალექსეი ნავალნის ადმინისტრაციული პატიმრობის შესახებ სიმონოვის რაიონული სასამართლოს მიერ მიღებული გადაწყვეტილება კანონიერად ცნო.
ოპოზიციონერი 29 სექტემბერს საკუთარი სახლის სადარბაზოში დააკავეს. ის ნიჟნი ნოვგოროდში გამგზავრებას გეგმავდა, სადაც მიტინგში უნდა მიეღო მონაწილეობა.
3 ოქტომბერს მოსკოვის სიმონოვის რაიონულმა სასამართლომ ნავალნის მიტინგებისა და დემონსტრაციების ჩატარების ორგანიზების წესის დარღვევისთვის 20-დღიანი ადმინისტრაციული პატიმრობა მიუსაჯა.
