დღეს, 7 ივლისს, 16:15 საათზე, ქალაქ რუსთავში, 9 მაისი ქ. #8 (დევნილთა კომპაქტური ჩასახლების ცენტრი) ხელი ეწერება ევროკავშირსა და ფინანსთა სამინისტროს შორის ხელშეკრულებას, ტრანშის გადმოცემის თაობაზე. ევროკავშირი საქართველოს მთავრობას 43.5 მლნ ევროს ოდენობის ფინანსურ დახმარებას გამოუყოფს, რომელიც იძულებით გადაადგილებულ პირთა სამოქმედო გეგმის რეალიზებასა და მათ გრძელვადიან განსახლებას მოხმარდება.
საქართველოს მხრიდან ორმხრივ ხელშეკრულებას ხელს მოაწერს საქართველოს ფინანსთა მინისტრი კახა ბაინდურაშვილი. ხელმოწერის ცერემონიას დაესწრება ევროკავშირის წარმომადგენლობის ხელმძღვანელი საქართველოში პერ ეკლუნდი და ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბელიანი.
