საკრებულოს 24 თანამდებობის პირიდან 10-ს კავშირი აქვს ბიზნესთან - ამის შესახებ ნათქვამია "საერთაშორისო გამჭვირვალობა საქართველოს" ანგარიშში, რომელიც დეპუტატებს, ბიზნესთან მათ კავშირს, არასწორად შევსებულ დეკლარაციებს და მუნიციპალური ქონების გადაცემის ფაქტებს ეხება
ასევე, ანგარიშის მიხედვით, რამდენიმე დეპუტატს არადეკლარირებული ბიზნესწილები აღმოაჩნდა, რამდენიმე თანამდებობის პირი კი კომპანიებში მოქმედ დირექტორად ფიქსირდება.
ესენი არიან: საკრებულოს თავმჯდომარის მოადგილე გიორგი ტყემალაძე, ლევან დარახველიძე და ლია ჯახველიძე.
გარდა ამისა, კვლევაში საუბარია მუნიციპალური წონების გადაცემის პრობლემურ შემთხვევებზეც. უძრავი ქონება პირდაპირი განკარგვის ფორმით 28 შემთხვევაში გაიცა სიმბოლურ ფასად - 1 ლარად.
აღსანიშნავია, რომ ანგარიშში დადებითად არის მიჩნეული ის ფაქტი, რომ 3 წლის განმავლობაში საკრებულოს 200 სხდომა ჩაინიშნა და ქვორუმის არარსებობის გამო არც ერთი მათგანი არ ჩაშლილა.
