ამბროლაურის აეროპორტში საჰაერო მოძრაობის მართვის შენობის მშენებლობა მიმდინარეობს. როგორც საქართველოს ეკონომიკისა და მდგრადი განვითარების სამინისტროს შპს “საქაერონავიგაციაში» განმარტავენ, ამბროლაურის აეროპორტში სამეთვალყურეო კოშკის და მეტეოროლოგიური სადგურის მშენებლობა 2017 წლის ივნისში დაიწყო.
„შენობის პროექტი შპს “საქაერონავიგაციის” თანამშრომლების მიერ შეიქმნა, სამშენებლო სამუშაოებს, ტენდერში გამარჯვებული ქართული კომპანია “დაგი” ახორციელებს.
ახალი შენობის აშენებამდე, რომლიც თავის მხრივ წლის ბოლომდე იგეგმება, შპს “საქაერონავიგაცია” საჰაერო მოძრაობის მართვას მობილური თაუერიდან ახორციელებს, რომელიც აღჭურვილია თანამედროვე მეტეოსენსორებით, საუკეთესო მიწა-ჰაერის ტიპის რადიოსადგურებით, ავტონომიური კლიმატკონტროლით, დიზელ-გენერატორით და უწყვეტი წყაროს კვების ბლოკით.
მშენებლობის დასრულების შემდეგ, საჰაერო მოძრაობის მართვის ახალი ცენტრი თანამედროვე, საერთაშორისო სტანდარტებთან შესაბამისი სისტემით აღიჭურვება. აღნიშნული სისტემების შესაძენად „საქაერონავიგაციამ“ საერთაშორისო ტენდერი უკვე გამოაცხადა“, აცხადებენ „საქაერონავიგაციაში
როგორც ცნობილია, შპს“ საქაერონავიგაციამ“ ამბროლაურის აეროპორტში 12 ადამიანი დაასაქმა, რომლებიც კომპანიამ კონკურსის წესით შეარჩია და უპირატესობა ადგილობრივ კადრებს მიანიჭა.
ამბროლაურის აეროპორტი ხელს შეუწყობს რაჭა-ლეჩხუმისა და ქვემო სვანეთის რეგიონის ეკონომიკურ განვითარებას და ახალ შესაძლებლობებს შექმნის ადგილობრივი მოსახლეობისთვის.
