"პარლამენტში ვეტოს პროცესს, გულწრფელად რომ გითხრათ ველოდები.", - ამის შესახებ საქართველოს პარლამენტის იურიდიულ საკითხთა კომიტეტის თავმჯდომარემ, ეკა ბესელიამ განაცხადა.
მისივე თქმით, პრეზიდენტსა და საპარლამენტო უმრავლესობას შორის კონსულტაციების გამართვის შესახებ დრო კვლავ გაურკვეველია.
“უმრავლესობამ დაასრულა ერთი ეტაპი, რაც შეეხება შემდეგ ეტაპს იქნება თუ არა საკონსტიტუციო ცვლილებების მეოთხე მოსმენა, როგორც უკვე ვეძახით ხოლმე პარლამენტში ვეტოს პროცესი, მე ამას გულწრფელად რომ გითხრათ ველოდები. ათი დღის ფარგლებში გვექნება განხილვა იმ საკითხების, რაზეც გადაწყვეტილებას მიიღებს პრეზიდენტი. მაქვს მოლოდინი, რომ ისევ გვექნება კონსტიტუციის თემაზე პარლამენტში ვეტოს საკითხის განხილვა. რაც შეეხება პრეზიდენტსა და მმართველ გუნდ შორის კონსულტაციებს ამ ეტაპზე სიახლეები არ არის“, - განაცხადა ეკა ბესელიამ.
