„ევროპული საქართველოს“ თბილისის მერობის კანდიდატს, ელენე ხოშტარიას საკრებულოს სხდომა სამართალდამცავების დახმარებით დაატოვებინეს.
საპატრულო პოლიცია საკრებულოს უმრავლესობის დეპუტატებმა გამოიძახეს.
სხდომაზე სიტუაცია მას შემდეგ დაიძაბა, რაც ოპოზიციამ განხილვის გადადება მოითხოვა.
მათი თქმით, არ დაუშვებენ, ბიძინა ივანიშვილის სახელთან დაკავშირებულ კომპანიებს საკრებულომ მიწის ნაკვეთები გადასცეს და ამ გადაწყვეტილებამდე ზონის სტატუსი შეუცვალოს.
ელენე ხოშტარიამ კახა კალაძეს მიმართა:
„მე მინდა ვკითხო კახი კალაძეს, რომელიც დადის გაწკეპილი, იწერს ვიდეოებს სუფთა ჰაერზე, ეპრანჭება ვიღაცას ბევრი ლაპარაკით მწვანეზე, მობრძანდეს და გვიპასუხოს რას ნიშნავს ისევ მიწების გადაცემა ბიძინა ივანიშვილისთვის, რას ნიშნავს ისევ სტატუსის შეცვლა ზონის, გაჩეხვა ხეების, მოვიდნენ და პასუხი აგონ,“-აცხადებს ელენე ხოშტარია.
