საკრებულოში, გარემოს დაცვისა და ურბანული დაგეგმარების კომისიების გაერთიანებულ სხდომაზე პუშკინის სკვერის მიმდებარე ტერიტორიაზე 1 946 კვ. მეტრი ფართისთვის ზონის შეცვლის საკითხს განიხილავდნენ.
მერობის კანდიდატების განცხადებით, რეალურად, ეს ტერიტორია 1 ლარად ბიძინა ივანიშვილის კომპანიას უნდა გადაეცეს.
"ერთიანი ნაციონალური მოძრაობის"კანდიდატმა ზაალ უდუმაშვილმა სხდომა დატოვა და განაცხადა, რომ გარეთ დაელოდება, მიიღებს თუ არა საკრებულო უკანონო გადაწყვეტილებას.
"ევროპული საქართველოს" კანდიდატ ელენე ხოშტარიას თქმით კი საკითხი უნდა გადაიდოს.
„ძალიან კონკრეტული წინადადებაა, დავანებოთ იმაზე ლაპარაკს თავი ვინ რა გააფუჭა, თუ ვინმე სიკეთეს აკეთებთ, გადაიდოს ეს საკითხი და შემდეგმა საკრებულომ განიხილოს. ნუ ჩქარობთ“, - განაცხადა მერობის კიდევ ერთმა კანდიდატმა ელენე ხოშტარიამ.
