ქობულეთის მე-2 საჯარო სკოლის მე-7 კლასის მოსწავლეები, რომლებიც ინტოქსიკაციის ნიშნებით ქობულეთის რეგიონულ საავადმყოფოში იყვნენ გადაყვანილი, უკვე გაწერეს.
ექიმის განცხადებით, ამ დროისთვის შეუძლებელია ინტოქსიკაციის ზუსტი მიზეზის დადგენა, თუმცა წყლით მოწამვლა გამორიცხულია.
მისივე თქმით, ბავშვების ჯანმრთელობას საფრთხე აღარ ემუქრება.
შეგახსენებთ, დღეს ქობულეთისა მე-2 საჯარო სკოლის 14 მოსწავლე ინტოქსიკაციის ერთნაირი ნიშნებით საავადმყოფოში გადაიყვანეს.
ყველა მათგანს აღენიშნებოდა გულის რევა, ნაწილს ტკივილი მუცლის არეში.
