"დღეს ვიხსენებთ და პატივს მივაგებთ იმ ადამიანებს, რომლებმაც ყველაზე ძვირფასი, საკუთარი სიცოცხლე შესწირეს ჩვენს სამშობლოს", - ამის შესახებ საქართველოს პარლამენტის თავმჯდომარემ, ირაკლი კობახიძემ განაცხადა.
როგორც კობახიძემ ტერიტორიული მთლიანობისთვის დაღუპულთა გმირთა მემორიალთან განაცხადა, მებრძოლთა ოცნება აუცილებლად ახდება და ერთ დღეს ჩვენ აღვნიშნავთ ქვეყნის ერთიანობას აფხაზ ძმებთან და დებთან ერთად.
„დღეს ვიხსენებთ და პატივს მივაგებთ იმ ადამიანებს, რომლებმაც ყველაზე ძვირფასი, საკუთარი სიცოცხლე შესწირეს ჩვენს სამშობლოს, ჩვენი ქვეყნის ერთიანობას. დარწმუნებული ვარ, რომ ის ოცნება, რომლითაც იბრძოდნენ ეს ადამიანები აუცილებლად ახდება და ერთ დღეს აუცილებლად აღვნიშნავთ ჩვენი ქვეყნის ერთიანობას ჩვენს აფხაზ ძმებთან და დებთან ერთად“,- აღნიშნა კობახიძემ.
