საქართველოს მართლმადიდებელი ეკლესია დღეს წმინდა დიდმოწამე ქეთევან დედოფლის ხსენების დღეს აღნიშნავს.
დღეიდან პირველ ოქტომბრამდე, მორწმუნეებს საშუალება ექნებათ, ქეთევან დედოფლის წმინდა ნაწილები ალავერდის მონასტერში მოილოცონ.
წმინდანის ნეშტი ინდოეთიდან საქართველოში 23 სექტემბერს ჩამოიტანეს და 6 თვის განმავლობაში საქართველოს მართლმადიდებლური ეკლესიის ყველა ეპარქიაში იმოგზაურებს, რის შემდეგაც კვლავ ინდოეთში დააბრუნებენ.
