რიგგარეშე პლენარული სხდომის მოწვევაზე პრეზიდენტს გადაწყვეტილება ამ დრომდე არ გამოუცხადებია.
საკონსტიტუციო ცვლილებების მესამე მოსმენით განხილვისა და კენჭისყრისთვის, რიგგარეშე სხდომის მოსაწვევად, პრეზიდენტს მოთხოვნა პარლამენტის თავმჯდომარემ გუშინ გადაუგზავნა.
,,საქართველოს კონსტიტუციისა და საქართველოს პარლამენტის რეგლამენტის შესაბამისად, საქართველოს პარლამენტი უფლებამოსილია მესამე მოსმენით განიხილოს და კენჭი უყაროს საკონსტიტუციო ცვლილებების პაკეტს. კანონპროექტის მესამე მოსმენა დაგეგმილია სამშაბათს, 26 სექტემბერს, 14:00 საათიდან, საქართველოს პარლამენტის რიგგარეშე პლენარულ სხდომაზე.
აღნიშნული მიზნით, საქართველოს პარლამენტის რიგგარეშე სხდომის მოსაწვევად, საქართველოს პარლამენტის თავმჯდომარემ დღეს, 14 საათზე, ელექტრონული საქმისწარმოების სისტემის მეშვეობით შესაბამისი წერილობითი მოთხოვნით მიმართა საქართველოს პრეზიდენტს”, - ნათქვამია განცხადებაში”, - ნათქვამია განცხადებაში, რომელიც საქართველოს პარლამენტის აპარატმა გუშინ გაავრცელა.
