საქართველოს რეგიონული განვითარებისა და ინფრასტრუქტურის მინისტრის ზურაბ ალავიძის განცხადებით, წაღვერის ტყეში ხანძარი კონტროლს ექვემდებარება
"ახალი კერა არ გვაქვს. ხანძარი კონტროლს ექვემდებარება. დიდი იმედი მაქვს, რომ შუადღისკენ ლოკალიზაციის პროცესი წავა. ყველგან მობილიზებულია ტექნიკა, წყლის მიწოდების პრობლემაც არ გვაქვს. გუშინდელთან შედარებით კარგი სიტუაცია გვაქვს. ავიაცია კვლავ ჩართულია. ორი თურქული ვერტმფრენიც შემოგვიერთდა დღეს. კრიზისების მართვის სააგენტო ჩართულია. ამ ეტაპზე შსს-ს აქვს მართვა აღებული და ჩვენ კოორდინაციას ვუწევთ ყველაფერს", - განაცხადა ზურაბ ალავიძემ.
