ხშირად დასმული კითხვა - შეიძლება თუ არა თვითმფრინავით ცხოველთა გადაყვანა?
როგორც სამგზავრო სალონით, ასევე თვითმფრინავის საბარგულით ”Georgian Airways”-ს ყველა მიმართულებაზე (გარდა ლონდონისა) გადაჰყავს შინაური ცხოველები, კერძოდ: ძაღლები და კატები.
ბილეთის დაჯავშნის დროს წინასწარ შეგვატყობინეთ, რომ თქვენ გსურთ იმგზავროთ შინაურ ცხოველთან ერთად ( დაუკავშირდით ჩვენს საინფორმაციო ცენტრს: +995 322 485 511, ან მოგვწერეთ: Space@georgian-airways.com). ცხოველების ტრანსპორტირებისთვის, თან უნდა იქონიოთ ყველა საჭირო დოკუმენტი. აუცილებელია, წინასწარ გაარკვიოთ და დაიცვათ შესაბამისი ქვეყნის იმპორტ-ექსპორტის წესები.
ფრენის განმავლობაში ცხოველი უნდა მოათავსოთ დაცულ კონტეინერში ( კონტეინერს თქვენ თავად უზრუნველყოფთ) . ცხოველისა და კონტეინერის საერთო წონა არ უნდა აღემატებოდეს 6 კგ/ 18 ფუნტსა და 55x35x20 ზომებს.
ლეკვებისა და კნუტების მინიმალური ასაკი უნდა იყოს 4 თვე.
ცხოველი უნდა იყოს ჯანმრთელი.
6 კილოგრამზე მეტი წონის ცხოველების გადაყვანა შესაძლებელია მხოლოდ საჰაერო ხომალდის საბარგულით. ბილეთის დაჯავშვნისას აუცილებლად მიუთითეთ ცხოველისა და კონტეინერის საერთო წონა და კონტეინერის ზუსტი ზომები.
კონტეინერი, რომელიც აკმაყოფილებს სტანდარტებს უნდა იყოს:
დამზადებული მყარი პლასტმასისგან, ჰქონდეს რკინის კარი და ვარგისი უნდა იყოს საჰაერო ტრანსპორტირებისთვის;
ცხოველისთვის შეუძლებელი უნდა იყოს კონტეინერიდან გაქცევა;
კონტეინერს ჰაერგამტარი სამი მხრიდან უნდა ჰქონდეს;
უნდა ჰქონდეს საკმარისი სივრცე, იმისათვის, რომ ცხოველს შეეძლოს ადგომა, დაწოლა და ბუნებრივად მოძრაობა;
კონტეინერის ძირი დაფარული უნდა იყოს სითხის შემწოვი ქსოვილით.
გაითვალისწინეთ: ცხოველის გადაყვანა არ შედის გათვალისწინებული უფასო ბარგის კატეგორიაში. ცხოველისა და კონტეინერის საერთო წონაზე უნდა გადაიხადოთ ნორმით გათვალისწინებული ზენორმატიული ტვირთის გადასახადი.
გამძღოლი ცხოველები
გამძღოლი ცხოველი არის ძაღლი, რომელიც თან ახლავს შეზღუდული შესაძლებლობების მქონე მგზავრს. ფრენაზე გამძღოლი ძაღლის დასაშვებად წინასწარ უნდა ვიყოთ ინფორმირებულნი. მგზავრმა თან უნდა იქონიოს "გამძღოლი ძაღლის" სტატუსის დამადასტურებელი დოკუმენტი. ასეთი ცხოველები ფრენაზე უფასოდ დაიშვებიან.
