2017 წლის იანვარ-აგვისტოში საქართველოს საგარეო სავაჭრო ბრუნვამ ევროკავშირის ქვეყნებთან 1804.4 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 7.4 პროცენტით მეტია. აქედან ექსპორტი 400,9 მლნ. აშშ დოლარი იყო (26,6 პროცენტით მეტი), ხოლო იმპორტი 1403.5 მლნ. აშშ დოლარი (2.9 პროცენტით მეტი). საქართველოს საგარეო სავაჭრო ბრუნვაში ამ ქვეყნების წილმა 27.3 პროცენტი შეადგინა, მათ შორის ექსპორტში 23.8 პროცენტი და იმპორტში 28.4 პროცენტი (2016 წლის იანვარ-აგვისტოში შესაბამისად 28.5, 24.2 და 29.7 პროცენტი). ევროკავშირის ქვეყნებზე მოდიოდა სავაჭრო დეფიციტის 30.8 პროცენტი (2016 წლის იანვარ-აგვისტოში 31.9 პროცენტი).
