ახალციხის რეფერალურ ჰოსპიტალში, ღებინებით, მუცლის ტკივილითა და მაღალი სიცხით, 35 ბავშვი გადაიყვანეს.
მოწამვლის სიმპტომებით გაზრდილი მიმართვიანობის გამომწვევ მიზეზებს საზოგადოებრივი ჯანდაცვის ცენტრი და სურსათის უვნებლობის სააგენტო სწავლობენ.
ახალციხის სკოლამდელი აღზრდის ყველა დაწესებულებაში წყლისა და საკვების სინჯები უკვე აღებულია. დაავადებათა კონტროლის ეროვნულ ცენტრში ნიმუშები გადაგზავნილია და პასუხი 3 დღეში გახდება ცნობილი.
საზოგადოებრივი ჯანდაცვის ცენტრი ამ ეტაპზე კარანტინის გამოცხადების აუცილებლობას ვერ ხედავს. ცენტრში ეჭვობენ, რომ ეს ენტეროვირუსის სიმპტომებია.
რაც შეეხება ბავშვების ჯანმრთელობის მდგომარეობას, სტაციონარულ მკურნალობას 14 ბავშვი აგრძელებს, მათი მდგომარეობა საშუალო სიმძიმისაა.
