აზიური ფაროსანას მიერ დაზარალებული გლეხები სამეგრელო-ზემო სვანეთის სამხარეო ადმინისტრაციის შენობის წინ აქციას მართავენ და თხილის საფასურის კომპენსაციას ითხოვენ.
მათ შენობასთან თხილი და ხილ-ბოსტნეული მიიტანეს, რომლებიც მათი თქმით, მთლიანად გაფუჭებულია.
დაზარალებულების განცხადებით, მათი შემოსავლის ერთადერთი წყარო თხილია.
ადგილზე ვიცე-გუბერნატორი დავით კოდუა მივიდა და აქციის მონაწილეებს მოლაპარაკება შესთავაზა. ამ დროისთვის მიმდინარეობს შეხვედრა.
მანამდე კი აქ ხალხმა პოლიციის კორდონის გარღვევა სცადა, თუმცა მათ ამის საშუალება სამართალდამცავებმა არ მისცეს.
