საქართველოს სახალხო დამცველი უჩა ნანუაშვილი იმერეთისა და რაჭის სოფლების მოსახლეობას შეხვდა.
ომბუდსმენის აპარატის ინფორმაციით, სოფლების ნაწილში არ არის სამანქანო გზა, სასმელი და სარწყავი წყლის სისტემები, ბუნებრივი აირი, ამბულატორია, სოფლის ექიმები და აფთიაქი.
მათივე ცნობით, საჩხერეში, 90 წლებში მიწისძვრით დაზარალებული ათამდე ოჯახი გაუსაძლის პირობებში კვლავ ვაგონებში ცხოვრობს.
"მძიმე ინფრასტრუქტურული და სოციალური პირობების გამო, სოფელი ზედუბანი ნენ-ნელა დაიცალა ახალგაზრდებისგან. რამდენიმე წლის წინ დახურული სოფლის სკოლის შენობა ამჟამად დანგრეულია. მოსახლეობა მაღალმთიანი სოფლის სტატუსის მინიჭებას ითხოვს და უკმაყოფილებას გამოთქვამს სოციალურ სტატუსის მასობრივად შეწყვეტის გამო", - ნათქვამია სახალხო დამცველის მიერ გავრცელებულ ინფორმაციაში.
