თურქი მსახიობი ბურაქ ოზჩივიტი, რომლის პოპულარობაც დიდი ხანია ქვეყნის ფარგლებს გასცდა და ახლო აღმოსავლეთის ქვეყნებში დიდი სიყვარული დაიმსახურა, თავის კარიერაში უმნიშვნელოვანესი კონტრაქტის გასაფორმებლად ემზადება.
ამ დღეებში ის თავის მეუღლე, ასევე ცნობილ მსახიობ ფახრიე ევჯენთან ერთად აშშ-ში ჩავიდა, თუმცა როგორც აღმოჩნდა დასვენებასთან ერთად ეს წყვილის საქმიანი ვიზიტიც იყო.
როგორც ცნობილია, დუბაის ემირმა, შეიხმა მოჰამედ ბინ რაშიდ ალ მაკტუმმა სტამბოლში ცატამბჯენი და სავაჭრო ცენტრი "Emaar Square" ააგო , ხოლო ბურაქ ოზჩივიტი მისი სარეკლამო სახელ გახდა. ცოტახნის უკან ბურაქ ოზჩივიტის მონაწილეობით სარეკლამო რგოლიც კი გადაიღეს, რომლის პრეზენტაციაც ახლახანს ნიუ-იორკში მოეწყო.
პროექტის ფარგლებში მალე გადაიღებენ მეორე სარეკლამო რგოლს, რომელშიც მონაწილეობას მიიღებენ ფეხბურთის ვარსკვლავი დევიდ ბეკჰემი და თურქული კინოს ვარსკვლავი ბურაქ ოზჩივიტი.
ამ დროისათვის ცნობილი არ არის, თუ რა ჰონორარას მიიღებენ ვარსკვლავები, თუმცა საგულისხმოა, რომ თანხა მაშთაბური იქნება, ვინაიდან პირველი სარეკლამო რგოლიდან ბურაქ ოზჩივიტმა 5 მლნ ლირა, ანუ 1,5 მლნ დოლარის შემოსავალი მიიღო.
