ვაკეში, ჭავჭავაძის გამზირზე მდებარე „პიქსელ ცენტრთან“ მეუღლის მიერ დაჭრილი ქალი რეანიმაციულ განყოფილებაში, კვლავ მართვით სუნთქვაზე იმყოფება.
როგორც რესპუბლიკურ სავადმყოფოში ამბობენ, დაჭრილი ქალის ჯანმრთელობის მდგომარეობა კვლავ მძიმეა და არ გაუმჯობესებულა. იგი ჯერჯერობით კონტაქტური არ არის.
რაც შეეხება დაჭრილი ქალის მეუღლის მდგომარეობას, ის სტაბილურია და მკურნალობას პოსტოპერაციულ პალატაში გადის. იგი თავს უკეთ გრძნობს.
ცნობისთვის, 6 სექტემბერს, ჭავჭავაძის გამზირზე მდებარე „პიქსელ ცენტრთან“ ქმარმა ცოლი დაჭრა, შემდეგ კი თვითდაზიანება მიიყენა.
