გავრცელებული ინფორმაცია თელავში, GWS-ის საკუთრებაში არსებულ ვენახებზე ხანძრის გაჩენასთან დაკავშირებით, სიმართლეს არ შეესაბამება, - ამის შესახებ ინფორმაციას კომპანია GWS-ის ელჩი ქეთევან კენკიშვილი ავრცელებს.
„თელავში, GWS-ის ქარხნის მახლობლად ბალახზე გაჩენილი ცეცხლი ჩამქრალია. ქარხანამდე ცეცხლს არ მიუღწევია და არც შეხებია, შესაბამისად, გავრცელებული ინფორმაცია GWS-ის საკუთრებაში არსებულ ვენახებს ცეცხლი უკიდია, სიმართლეს არ შეესაბამება, უფრო მეტიც, კომპანიის ვენახები საწარმოდან გაცილებით შორს მდებარეობს, “- განმარტავს ქეთევან კენკიშვილი.
გავრცელებული ინფორმაციით, თელავში, ღვინის კომპანია "ჯივიესის" მიმდებარე ტერიტორიაზე ხანძარი ჯერ ბალახს მოედო, შემდეგ კი ვენახებზეც გადავიდა.
