გარემოს ეროვნული სააგენტოს ჰიდრომეტეოროლოგიურ ცენტრში ქარის გაძლიერებას ვარაუდობენ. თბილისში ამ ეტაპზე ძლიერი ქარია. სტიქიამ რამდენიმე უბანში ხეები მოგლიჯა და ავტომობილები დააზიანა. დაშავებულთა შესახებ ინფორმაცია არ ვრცელდება.
სინოპტიკოსები განმარტავენ, ქარი 7 სექტემბერს, საღამოს გაძლიერდება და 8 სექტემბრიდან თანდათან შესუსტდება.
„ხვალ დღისით გამოიდარებს, უმეტესად უნალექო ამინდია მოსალოდნელი, რაც შემდგომ დღეებშიც გაგრძელდება. ხოლო 9 სექტემბრიდან საქართველოს მასშტაბით ტემპერატურა მოიმატებს. დასავლეთ საქართველოში 30-32 გრადუსი სითბოა მოსალოდნელი, ხოლო აღმოსავლეთ საქართველოში 29-34 გრადუსამდე დათბება“, - აცხადებენ ჰიდრომეტეოროლოგიურ ცენტრში.
