ადამიანის უფლებათა დაცვისა და სამოქალაქო ინტეგრაციის კომიტეტი 2018 წელს 17 მაისის [ჰომოფობიასთან და ტრანსფობიასთან ბრძოლის საერთაშორისო დღის] აღნიშვნას აპირებს, ამის შესახებ კომიტეტის 2017-2018 წლების საზედამხედველო საქმიანობის კუთხით სამოქმედო გეგმის დოკუმენტში წერია.
"ლიბერალის" მიერ მოპოვებული დოკუმენტის მიხედვით, კომიტეტს მიაჩნია, რომ "ადამიანის უფლებებთან დაკავშირებული დღეების აღნიშვნა ხელს შეუწყობს სოლიდარობის გამოხატვას უფლებადარღვეული პირების მიმართ და საზოგადოების ცნობიერების ამაღლებას ამ საკითხთან დაკავშირებით. ამ პროცესში მიზანშეწონილია კომიტეტმა ითანამშრომლოს, როგორც დონორ ორგანიზაციებთან, ისე სამოქალაქო საზოგადოების ორგანიზაციებთან, რათა ერთობლივად მოხდეს საჯარო ღონისძიებების დაგეგმვა".
ადამიანის უფლებათა დაცვის კომიტეტის თავმჯდომარის სოფო კილაძის განცხადებით, მისთვის მნიშვნელობა არ აქვს თუ რა ნიშნით იდევნება ადამიანი, რადგან მათი ვალი თითოეული ადამიანის უფლებების დაცვაა.
