თვითმფრინავით მგზავრობა ზოგისთვის სასიამოვნო პროცესია, ზოგისთვის კი, მძიმე სტრესთან ასოცირდება. იმისათვის, რომ მომზადებულნი ვიყოთ და ფრენისას არ შეგვექმნას გაუთვალისწინებელი პრობლემები, Georgian Airways გირჩევთ:
პირველ რიგში, დააზუსტეთ რეგისტრაციის დრო. ყველა აეროპორტში რეგისტრაციის დრო განსხვავებულია. სასურველია, აეროპორტში მიხვიდეთ ფრენამდე 2 საათით ადრე, რათა უპრობლემოდ გაიაროთ ფორმალური პროცედურები.
აეროპორტის შესასვლელში ყურადღება მიაქციეთ ტაბლოს, სადაც ასახულია ყველა მიმდინარე რეისი. აქ თქვენ ნახავთ ინფორმაციას სად უნდა მიხვიდეთ რეგისტრაციისთვის და რომელი გასასვლელიდან/გეითიდან უნდა ჩასხდეთ თვითმფრინავში, გაურკვევლობის შემთხვევაში მიმართეთ აეროპორტის ადმინისტრაციას.
რეგისტრაციისას დგებით რიგში, ამზადებთ პასპორტსა და ბილეთს. რეგისტრაციის შემდეგ გადმოგეცემათ ჩასხდომის ბარათი, სადაც მითითებული იქნება თქვენი ადგილი თვითმფრინავში. აუცილებლად უნდა გაიაროთ ბარგის აწოვნის პროცედურა. გახსოვდეთ რომ გარდა ჩასაბარებელი ბარგისა, თქვენ შეგიძლიათ თან იქონიოთ ხელბარგი, რომელსაც თვითმფრინავში აიტანთ, გაითვალიწინეთ აკრძალული ნივთები.
თუ თქვენ ქვეყნის საზღვრებს გარეთ მიემგზავრებით, აუცილებელი იქნება საპასპორტო კონტროლის გავლა. საპასპორტო კონტროლის გავლის პროცედურა ყველა ქვეყანაში განსხვავებულად მიმდინარეობს. პრობლემის შემთვევაში, მიმართეთ აეროპორტის ადმინისტრაციას.
ჩასხდომა, როგორც წესი ფრენიდან 40 წუთით ადრე იწყება. ამ დროისათვის შეგიძლიათ შეინახოთ პასპორტი და თან მხოლოდ ჩასხდომის ბილეთი იქონიოთ. ამის შემდეგ, უნდა მოძებნოთ შესაბამისი გასასვლელი/გეითი, რის შედეგადაც თქვენ პიდაპირ თვითმფრინავში აღმოჩნდებით.
თვითმფრინავში, აფრენის დროს წნევის ცვალებადობის გამო, სისხლის მიმოქცევა იცვლება, რამაც შესაძლოა ფეხების ოდნავ შეშუპება გამოიწვიოს. უმჯობესი იქნება თუ ფეხსაცმელს გაიხდით. ამავე მიზეზის გამო, შესაძლოა ყურები დაგიგუბდეთ, ამ პრობლემასთან საბრძოლველად საღეჭი რეზინი გამოგადგებათ.
თვითმფინავში აკრძალულია სიგარეტის მოწევა (მათ შორის ელექტრონული სიგარეტიც). ბილეთის ყიდვისას აუცილებლად მიაქციეთ ყურადღება არის თუ არა ფასში შესული კვება.
არ დაგავიწყდეთ, დაელოდოთ ბარგს, როგორც წესი, აეროპორტში ბარგის რამდენიმე ესკალატორია, ამიტომ ყურადღება მიაქციეთ ბარგის ესკალატორებთან მონიტორს, რათა დარწმუნდეთ, რომ თქვენს ბარგს სწორ ადგილას ელოდებით.
