თოჯინების თეატრის ყოფილი სამხატვრო ხელმძღვანელი ელენე მაცხონაშვილი დღეს საპროტესტო აქციას მართავს.
როგორც მაცხონაშვილი სოციალურ ქსელ Facebook-ზე წერს, აქცია მთავრობის კანცელარიასთან 17 საათზე დაიწყო.
"დღეს, 5-ზე, კანცელარიასთან ვგეგმავთ აქციას... აქცია გაიმართება... თუმცა აქციის ფორმა უნდა ყოფილიყო თეატრალიზებული( თოჯინების მონაწილეობით) მ ა გ რ ა მ ჩემი კუთვნილი, ხაზგასმით ჩ ე მ ი (და არა თეატრის) თოჯინები მძევლად აიყვანეს", - წერს ელენე მაცხონაშვილი.
შეგახსენებთ, რომ კულტურის მინისტრმა მიხეილ გიორგაძემ თოჯინების თეატრის ყოფილი სამხატვრო ხელმძღვანელი გააკრიტიკა და აღნიშნა, რომ თეატრის წინა ხელმძღვანელობამ კატასტროფული არაკომპეტენტურობა და უუნარობა გამოიჩინა.
თეატრის დასმა საპროტესტო აქცია 1 სექტემბერსაც გამართა და კულტურის მინისტრთან სატელევიზიო დებატები მოითხოვა.
მინისტრმა 31 აგვისტოს მოაწერა ხელი თოჯინებისა და კინომსახიობთა თეატრებს ახალი სამხატვრო ხელმძღვანელების დანიშვნას. შესაბამისი ბრძანების მიხედვით, თოჯინების თეატრის სამხატვრო ხელმძღვანელად ნიკოლოზ საბაშვილი, კინომსახიობთა თეატრის სამხატვრო ხელმძღვანელად კი გიორგი სიხარულიძე დანიშნა.
