მთაწმინდის ფერდობზე გაჩენილი ხანძრის ძირითადი კერები ჩააქრეს, თუმცა ცეცხლის საბოლოო ლიკვიდაციისთვის სამუშაოებში ვერტმფრენი მაინც ჩაერთვება.
ხანძარი დაახლოებით 2 ჰექტრამდე ფართობზე იყო გავრცელებული. შსს-ს საგანგებო სიტუაციების მართვის სააგენტოს სახანძრო-სამაშველო ჯგუფები შემთხვევის ადგილზე 13 საათსა და 38 წუთზე მივიდნენ.
სახანძრო-სამაშველო ტექნიკისა და მეხანძრე-მაშველების მობილიზება ხანძრის კერასთან ორი მიმართულებით განხორციელდა. წყლით ოპერატიული მომარაგება მთაწმინდაზე არსებული ჰიდრანტიდან ხდება. ადგილზე იმყოფება 50-ზე მეტი მეხანძრე-მაშველი და 10-მდე სახანძრო-სამაშველო ტექნიკა.
