თბილისის საქალაქო სასამართლოში ე.წ. ციანიდის საქმის განხილვა დაიწყო.
პროცესის დამწყებამდე დეკანოზის ადვოკატმა პაატა მეხრიშვილმა "ჯი-ეიჩ-ენ"-ს განუცხადა, რომ მას დიდი მოლოდინი აქვს, რომ მოსამართლე მოწოდების სიმაღლეზე იქნება და ამ საქმეზე სწორ და სამართლიან განაჩენს გამოიტანს.
"დიდი მოლოდინი გვაქვს იმის, რომ მოსამართლე მოწოდების სიმარღლეზე იქნება და ამ საქმეზე სწორ და სამართლიან განაჩენს გამოიტანს. გუშინ შევხვდით ბრალდებულს, მას საკმაოდ დიდი საბოლოო სიტყვის წარმოთქმის სურვილი აქვს. ის ისაუბრებს ყველაფერზე, მათ შორის სასულიერო პირის წოდების მოპოვებიდან-დღემდე რა გზა გაიარა, როგორი წარმატებული იყო ის სამედიცინო ცენტრის ხელმძღვანელობის პერიოდშიც რას აკეთებდა ის იმისთვის, რომ საპატრიარქო გაძლიერებულიყო ფინანსურადაც. ის ისაუბრებს და შეეხება ყველა პირს, ვინც ამ საქმიანობის შემაფერხებელი და დამაბრკოლებელი იყო", - განაცხადა პაატა მეხრიშვილმა.
