ნაფეტვრებში ხანძარი ლოკალიზებულია.
ამ დროისთვის, ადგილზე 20-ზე მეტი მეხანძრე-მაშველი მუშაობს.
ხანძრის შედეგად, დასახლებულ პუნქტთან, 3 ჰა-მდე ტერიტორიაზე ბალახები და ბუჩქები დაიწვა.
საგანგებო სიტუაციების მართვის სააგენტოს ინფორმაციით, მეხანძრე-მაშველების დაგვიანების შემთხვევაში, ცეცხლი საცხოვრებელ სახლებზე გადავიდოდა.
სააგენტოს ცნობით, მატერიალური ზარალი მოსახლეობას, პრაქტიკულად, არ მიუღია, თუმცა დაიწვა მშენებარე ობიექტის ხარაჩოები.
ცნობისთვის, ხანძარი ნაფეტვრებში დაახლოებით ერთი საათის წინ გაჩნდა.
