მსოფლიო ბანკი მხარდაჭერას უცხადებს საქართველოს სტიქიასთან ბრძოლის კუთხით. მსოფლიო ბანკის რეგიონული დირექტორი სამხრეთ კავკასიაში საქართველოს პრემიერ-მინისტრთან საგანგებო შტაბში შეხვედრის შემდეგ აცხადებს, რომ დახმარება ითვალისწინებს როგორც ფინანსურ, ასევე ტექნიკურ მხარეს.
მერსი ტემბონის თქმით, თავდაპირველად მოხდება სიტუაციის შეფასება, რის შემდეგაც საქართველოს მთავრობასთან ერთად განიხილავენ იმ საკითხებს, რა კუთხით მოხდეს დახმარება კონკრეტულად.
