თუ ბუნებრივი პირობები შეგვიწყობს ხელს, უახლოეს საათებში [ბორჯომის ტყეში] ხანძარი ლიკვიდირებული იქნება, - ამის შესახებ საქართველოს შს მინისტრმა გიორგი მღებრიშვილმა ჟურნალისტებს განუცხადა.
მისი თქმით, წუხელ მთელი ღამის განმავლობაში 200-ზე მეტი მეხანძრე-მაშველი მუშაობდა
„წუხელ მთელი ღამის განმავლობაში 200-ზე მეტი მეხანძრე-მაშველი მუშაობდა. საქართველოს ყველა რეგიონიდან დავახმარეთ სამაშველო სამსახურებსა და სახნძროს ჩვენი თანამშრომლები. ბიჭებმა ეფექტურად იმუშავეს, მიუხედავად რელიეფის საკმაოდ რთული მდებარეობისა. ასევე ხანძრის გავრცელებას ხელს ძალიან უწყობდა ქარი, რომელიც უკვე ჩადგა და აღარ არის“, - განაცხადა გიორგი მღებრიშვილმა.
შს მინისტრი შემთხვევის ადგილზე მოადგილესა და საგანგებო სიტუაციების მართვის სააგენტოს ხელმძღვანელთან ერთად იმყოფება.
