ირლანდიური „ლოუკოსტერი“ Ryanair დიდი ბრიტანეთის აეროპორტებს მოუწოდებს, რომ აეროპორტების კაფე-ბარებსა და რესტორნებში ალკოჰოლური სასმელების რეალიზაცია შეიზღუდოს, რადგანაც ბორტებზე მთვრალმა და წესრიგის დამრღვევი მგზავრების რაოდენობამ იმატა.
დიდი ბრიტანეთის სააციაციო ხელისუფლების ინფორმაციით, 2012 წლიდან 2016 წლის ჩათვლით იმ მგზავრების რაოდენობა რომლებიც თვითმფრინავში არაადეკვატურად იქცევიან 600%-ით გაიზარდა.
სწორედ ამ ფაქტის გათვალისწინებით, Ryanair-ი ითხოვს, რომ ბარ-რესტორნებში სასმელების გაყიდვა დილის 10 საათამდე აიკრძალოს, ხოლო დროის სხვა პერიოდში ერთ მგზავრზე მხოლოდ დოზა სასმელი იყოს ნებადართული.
