დავით აღმაშენებლის გამზირზე მდებარე კაფე-ბარები მუშაობას ჩვეულ რეჟიმში აგრძელებენ, - ამის შესახებ თბილისის მერიის ზედამხედველობის სამსახურში აცხადებენ.
მათი ინფორმაციით, კაფეების მუშაობას არანაირი პრობლემა არ ექმნება, უბრალოდ ღია კაფეების განთავსებასთან არის პრობლემა, რადგან ისინი უნებართვოა. მათივე ინფორმაციით, ამ ღონისძიების მიზანია ახალი აღმაშენებლის კანონთან შესაბამისობაში მოყვანა, როგორც ეს განხორციელდა შარდენზე, რკინის რიგში, ბამბის რიგში და ა. შ.
ზედამხედველობის სამსახურის ინფორმაციით, კანონთან შესაბამისობაში მოყვანა გულისხმობს, ღია კაფეს არქიტექტურის სამსახურთან პროექტის შეთანხმებას, ნებართვის აღებას და მისი სახელმწიფო მიწაზე განთავსების იჯარით ხელშეკრულების გაფორმებას.
ცნობისთვის, დღეს დილიდან, 14-მა უცხოელმა ინვესტორმა, პროტესტის ნიშნად, დავით აღმაშენებლის განახლებულ გამზირზე ბარები და კაფეები დახურა.
