ისლანდიაში, გულფოსის ჩანჩქერის მიმდებარე ტერიტორიაზე, მდინარე ჰვითაში, სავარაუდოდ, 19 ივლისს გაუჩინარებული 22 წლის ნიკა ბეგაძის ცხედარი იპოვეს.
არსებული ინფორმაციით, ამ ეტაპზე ინფორმაციის გადამოწმება მიმდინარეობს. არის თუ არა ცხედარი გაუჩინარებული ნიკა ბეგაძის, ამას ექსპერტიზა დაადგენს.
ცნობისთვის, ნიკა ბეგაძე 19 ივლისს, ისლანდიაში გულფოსის ჩანჩქერის ტერიტორიაზე გაუჩინარდა. ისლანდიის ოფიციალურმა სტრუქტურებმა დაკარგული ახალგაზრდის სამძებრო ღონისძიებები, იმავე დღეს დაიწყეს. სამძებრო ღონისძიებები მიმდინარეობდა ჩანჩქერში და მდინარეში, ასევე მდინარის სანაპიროზე, რისთვისაც გამოყენებული იქნა სამხედრო-საზღვაო ვერტმფრენები.
ჩანჩქერისა და მდინარის ტერიტორიაზე პოლიციამ ავტომანქანა იპოვა, რომელიც მის მეგობარ გოგონას ეკუთვნოდა, ასევე ნანახია მისი პირადი ნივთები და შუაზე გადატეხილი ტელეფონი.
