ბათუმის მერია ქალაქის ნაგვისგან დაცლის პრობლემებზე საუბრობს.როგორც მერიის მიერ გავრცელებული განცხადებიდან ირკვევა, აღნიშნულის მიზეზი გადატვირთული საგზაო მოძრაობის გამო დაარასწორად პარკირებული ავტომობილებია.
„შპს ,,სანდასუფთავება“ უწყვეტ რეჟიმში ახორციელებს სანაგვე კონტეინერებიდან საყოფაცხოვრებო ნარჩენების გატანის სამუშაოებს. გეგმა-გრაფიკის შესაბამისად, ურნებიდან ნაგვის გატანა 24 საათის განმავლობაში 4-ჯერ ხორციელდება. თუმცა, ტურისტულ სეზონთან დაკავშირებით გადატვირთული საგზაო მოძრაობის გამო, ასევე, არასწორად პარკირებული მანქანების მიზეზით, ფერხდება ნაგავშემკრებ კონტეინერებთან ტექნიკის მისვლა. შეფერხება იქმნება იმ მონაკვეთებზეც, სადაც ინფრასტრუქტურული სამუშაოები მიმდინარეობს.
ბათუმის მერია ბოდიშს უხდის მოსახლეობას საყოფაცხოვრებო ნარჩენების გატანის შეფერხებით გამოწვეული დისკომფორტის გამო», აღნიშნულია ბათუმის მერიის განცხადებაში.
