ლარსის საკონტროლო-გამშვებ პუნქტზე შეფერხებების გამო სასწრაფო სამედიცინო დახმარების ეკიპაჟი კვლავ 24-საათიან რეჟიმში მორიგეობს. საჭიროების შემთხვევაში, ქვეყანაში შემოსულ ვიზიტორებს, სამედიცინო დახმარებას ადგილზე გაუწევენ.
შეგახსენებთ, რომ გუშინ საქართველო-რუსეთის საზღვარზე ქალბატონი გარდაიცვალა. მოქალაქე, რომელიც რუსეთიდან საქართველოში გადმოდიოდა სასაზღვრო გამშვებ პუნქტზე გრძელ რიგში შეუძლოდ გახდა, ექიმებმა მისი გადარჩენა ვერ შეძლეს.
გუშინ მთავრობის სხდომაზე საქართველოს პრემიერმინისტრმა გიორგი კივირიკაშვილმა ჯანდაცვისა და შინაგან საქმეთა მინისტრებს მიმართა, რომ
განსაკუთრებული ყურადღება მიაქციონ იმ ადამიანების მდგომარეობას, რომელსაც ლარსის გამშვებ პუნქტზე რიგში ლოდინი უწევთ.
