აბიტურიენტებისთვის საგანმანათლებლო პროგრამების რეიტინგულ სიაში ცვლილებების შეტანის ვადა დღეს, 18:00 საათზე იწურება. ინფორმაციას ამის შესახებ გამოცდების ეროვნულ ცენტრი ავრცელებს.
”11 აგვისტოს, 18:00 საათამდე მათ შესაძლებლობა ექნებათ დაამატონ, წაშალონ ან შეცვალონ ფაკულტეტები. აბიტურიენტებმა ცვლილებები ელექტრონულად (online.naec.ge ან www.naec.gov.ge) უნდა შეიტანონ. ყველა ცვლილება მათ ელექტრონული ფოსტის საშუალებით უნდა დაუდასტურდეთ. თუ აბიტურიენტი ასეთ დადასტურებას ვერ მიიღებს, სავარაუდოდ, ეს პროცესი დასრულებული არ აქვს (მაგ.; არ დააჭირა შენახვის ღილაკს)”, - აცხადებენ გამოცდების ეროვნულ ცენტრში.
მათი ინფორმაციით, ელექტრონულ განაცხადში მისათითებელი საგანმანათლებლო პროგრამების რაოდენობა შეზღუდული აღარ არის. ამ ცვლილებამ დღის წესრიგიდან მოხსნა მეორადი ჩარიცხვების საჭიროება.
11 აგვისტოს, 18:00 საათზე აბიტურიენტთა სააპელაციო განაცხადების მიღებაც შეწყდება.
