ლარსის გამშვებ პუნქტზე ერთი ადამიანი გარდაიცვალა. "რუსთავი 2-ის" ინფორმაციით, მოქალაქე, რომელიც რუსეთიდან საქართველოში გადმოდიოდა სასაზღვრო გამშვებ პუნქტზე გრძელ რიგში შეუძლოდ გახდა, ექიმებმა მისი გადარჩენა ვერ შეძლეს.
ბოლო ორი დღეა, საქართველო რუსეთის საზღვრის ლარსის გამშვებ პუნქტზე მოქალაქეების გადაადგილება გართულებულია. პრობლემები გამშვები პუნქტის რუსულ ნაწილში შეიქმნა, რის გამოც კილომეტრიანი რიგები წარმოიქმნა.
სასწრაფო დახმარების ბრიგადა ყაზბეგის გამშვებ პუნქტთან 24 საათის განმავლობაში მორიგეობენ.
დღეს მთავრობის სხდომაზე საქართველოს პრემიერმინისტრმა გიორგი კვირიკაშვილმა ჯანდაცვისა და შინაგან საქმეთა მინისტრებს მიმართა, რომ განსაკუთრებული ყურადღება მიაქციონ იმ ადამიანების მდგომარეობას, რომელსაც ლარსის გამშვებ პუნქტზე რიგში ლოდინი უწევთ.
