ზესტაფონში, ბაგრამის საავიაციო ბაზის მიმდებარე ტერიტორიაზე დაღუპული უმცროსი სერჟანტის, მდინარ ბებიაშვილის სამოქალაქო პანაშვიდი გაიმართა.
დღესვე მას ღვთისმშობლის მიძინების საკათედრო ტაძარიდან მშობლიურ სოფელში, მარტოთუბანში გადაასვენებენ და დაკრძალავენ.
შეგახსენებთ, რომ ავღანეთის ისლამურ რესპუბლიკაში, ბაგრამის საავიაციო ბაზის მიმდებარე ტერიტორიაზე ერთობლივი მოტორიზებული პატრულირებისას განხორციელებული თავდასხმისას, „მტკიცე მხარდაჭერის“ მისიაში მონაწილე საქართველოს შეიარაღებული ძალების II ქვეითი ბრიგადის 23-ე ქვეითი ბატალიონის უმცროსი სერჟანტი, 25 წლის მდინარი ბებიაშვილი გარდაიცვალა. ამის შესახებ საქართველოს თავდაცვის სამინისტროს მიერ გავრცელებულ განცხადებაშია აღნიშნული.
მომხდარი თავდასხმისას ასევე, დაშავდა „მტკიცე მხარდაჭერის“ მისიაში მონაწილე საქართველოს შეიარაღებული ძალების სამი სამხედრო მოსამსახურე.
