თბილისისა და ბათუმის საერთაშორისო აეროპორტების ოპერატორი კომპანია „ტავ ჯორჯია“ ქვეყნის მთავარ აეროპორტის მიხედვით, ხუთი ყველაზე პუნქტუალური ავიაკომპანიის რეიტინგს აქვეყნებს.
ყველაზე "პუნქტუალურების" TOP-5 მთლიანად უცხოური ავიაკომპანიებითაა დაკომპლექტებული და მასში ქართული ავიაგადამზიდავი არ ფიგურირებს.
„ტავ ჯორჯიას“ ვერსიით, თბილისის საერთაშორისო აეროპორტში განხორციელებული რეისების მიხედვით, 2017 წლის მიმდინარე ზაფხულის სეზონზე ავიაკომპანიათა რეიტინგი, რომლებმაც მინიმალური დაგვიანებით შეასრულეს რეისები ასე გამოიყურება:
1. Lufthansa
2. Atlasglobal
3. Pegasus Airlines
4. Aeroflot
5. Aegean Airlines
“ტავ ჯორჯია” “TAV Airports Holding”-ის შვილობილი კომპანიაა და მისი მოღვაწეობა საქართველოში 2005 წელს დაიწყო და მოქმედი კონტრაქტით 2027 წლამდე გაგრძელდება. საქართველოში განხორციელებული 180 მილიონზე მეტი აშშ დოლარის ინვესტიციის შედეგად, 2007 წელს ექსპლოატაციაში შევიდა თბილისისა და ბათუმის საერთაშორისო აეროპორტების ახალი სამგზავრო ტერმინალები. “TAV Airports Holding“ მიერ მსოფლიოს სხვადასხვა ქვეყანაში განხორციელებული მრავალმილიონიანი ინვესტიციის, აეროპორტების ოპერირებაში მრავალწლიანი გამოცდილებისა და გონივრული მენეჯმენტის წყალობით „ტავ ჯორჯია“ ერთ-ერთ ყველაზე სანდო, სტაბილურ და დინამიურ კომპანიად ჩამოყალიბდა საქართველოში.
