გრიგოლეთი-ჯაპანას მონაკვეთზე ავტობანის მშენებლობაზე დასაქმებული მუშები გაიფიცნენ.
გაფიცულებმა მშენებარე ავტობანი გადაკეტეს და სამშენებლო ტექნიკის მოძრაობა შეაჩერეს.
300-მდე მუშა დღიური ანაზღაურებს 25 ლარამდე გაზრდას ითხოვს.
როგორც ისინი აცხადებენ, მშენებელი კომპანია, ჩინური "სინო ჰიდრო" მათ დღიურად 18 ლარს უხდის, რაც მათი თქმით, მხოლოდ გზაზე და საკვებზეა საკმარისი.
ანაზღაურების მომატებაზე ჩინური კომპანია უარს აცხადებს.
მოლაპარაკების პროცესში საგზაო დეპარტამენტიცაა ჩართული.
