ავიაკომპანია Saudia Airlines-ს საკუთარი მგზავრებისთვის დრესკოდი შემოაქვს. ამიერიდან ფრენისას ავიაკომპანიის მგზავრს მოუწევს ისე ჩაცმა, რომ "საკუთარი ჩაცმულობით გვერდით მჯდომს შეურაცხყოფა არ მიაყენოს.
აღსანიშნავია, Saudia Airlines-ი საუდის არაბეთის ფლაგმანი ავიაკომპანიაა, რომლის მგზავრების უმეტესობა კონსერვატიული ისლამის მიმდევარია.
დრესკოდის შესახებ ინფორმაცია ავიაკომპანიის საიტზე უკვე ხელმისაწვდომია: ქალებს დახურული სამოსი უნდა ეცვათ, ფეხები და მკლავები ქონდეთ დაფარული. რაც შეეხება მამაკაცებს, მათ შორტები არ უნდა ემოსოთ.
იმავდროულად, ავიაკომპანია უფლებას იტოვებს, რომ ის მგზავრები, რომელიც მათ დრესკოდს ვერ დააკმაყოფილებენ ბორტზე არ დაუშვას.
