პოლიტიკური პლატფორმა „ახალი საქართველო“ გამოდის ინიციატივით, რომ ქალისა და მამაკაცის საპენსიო ასაკი გათანაბრდეს და სქესის მოუხედავად პენსიის მიღება მოქალაქეებმა 60 წლიდან შეძლონ, - ამის შესახებ პარტიის წევრებმა დღეს გამართულ პრესკონფერენციაზე განაცხადეს.
მათი ინფორმაციით, პოლიტიკური პლატფორმის წევრები უახლოეს დღეებში პარლამენტში საკანონმდებლო ინიციატივას წარადგენენ, ასევე ისინი საკონსტიტუციო სასამართლოში სარჩელის შეტანასაც გეგმავენ.
პარტიის წევრების თქმით, საპენსიო ასაკი მსოფლიოს 40-ზე მეტ ქვეყანაში თანაბარია და მნიშვნელოვანი იქნება თუ საქართველოც ამ ქვეყნების რიცხვში შევა.
როგორც ისინი განმარტავენ, „თავისუფალი საქართველო“ საპენსიო რეფორმაზე იურისტების ჯგუფთან ერთად მუშაობს, ცვლილებების ინიციატივა კი პარტიის ქალთა ორგანიზაციას ეკუთვნის.
ცნობისთვის, საქართველოში მცხოვრები ქალებისთვის საპენსიო ასაკი 60 წელია, ხოლო მამაკაცები პენსიას 65 წლის შემდეგ იღებენ.
