ამერიკის შეერთებულ შტატებში მცხოვრებმა ქართველებმა რუსეთის ოკუპაცია გააპროტესტეს.
ორგანიზატორების განცხადებით, 2008 წლის აგვისტოს ომის 9 წლის თარიღთან დაკავშირებით, ნიუ-იორკში, გაერო-ს შენობასთან გამართულ აქციაზე ქართველებთან ერთად აშშ-ის მოქალაქეებიც იმყოფებოდნენ.
მათ ტრანსფარანტები გამოფინეს წარწერებით: „რუსეთი ოკუპანტია“ , „რუსეთს ოკუპირებული აქვს საქართველოს და უკრაინის ტერიტორია“, „რუსეთი კლავს ახალგაზრდა დემოკრატიებს“, „პუტინი უნდა გააჩერონ“ და სხვა.
აქციის მიმდინარეობისას შესრულდა საქართველოს ჰიმნი. გაერო-ს შენობასთან გამართული აქციის ამსახველი ფოტო მასალა ნიუ-იორკში მცხოვრებმა ქართველებმა სოციალურ ქსელში განათავსეს.
