აგვისტოს ომში დაღუპულთა ხსოვნის პატივისცემად, თბილისსა და ქუთაისში მდებარე პარლამენტის შენობებზე სახელმწიფო დროშები ერთდროულად დაეშვა.
ამის შესახებ ინფორმაციას პარლამენტი ავრცელებს.
"დღეს, 8 აგვისტოს, 2008 წლის აგვისტოს ომის მე-9 წლისთავთან დაკავშირებით, საქართველოს დამოუკიდებლობისა და ერთიანობისთვის ბრძოლაში დაღუპულთა ხსოვნის პატივსაცემად, თბილისსა და ქუთაისში მდებარე პარლამენტის შენობებზე სახელმწიფო დროშები ერთდროულად დაეშვა",- ნათქვამია გავრცელებულ ინფორმაციაში.
