ლაგოდეხის ორ სოფელში ხანძარი მძვინვარებს. როგორც ადგილობრივი მოსახლეობა იტყობინება, ხანძარი ცოდნისკარის თემის ორი სოფლის – თელასა და წიფლისწყაროს ტერიტორიაზეა მოდებული. მათივე განცხადებით, ხანძარი დასახლებულ პუნქტს უახლოვდება.
მის ჩაქრობას, ლაგოდეხის მუნიციპალიტეტის სამაშველო-სახანძრო სამსახურთან ერთად, კახეთის სხვა რეგიონების სახანძრო-სამაშველო სამსახურებიც ცდილობენ. ტერიტორიაზე მძიმე ტექნიკაც შეჰყავთ.
ადგილობრივებმა ,,ჯი-ეიჩ-ენს“ განუცხადეს, რომ მიუხედავად დაწყებული სამუშაოებისა ადგილზე სასწრაფოდაა საჭირო საჰაერო სახანძრო დახმარება.
გავრცელებული იბფორმაციით, ადგილზე ჩავიდა კახეთის გუბერნატორი ირაკლი ქადაგიშვილი.
