ხეთაში ავტომობილი ორ მუშას დაეჯახა.
არსებული ინფორმაციით, ერთი გარდაიცვალა, ხოლო მეორე ქუთაისის საავადმყოფოშია გადაყვანილი. გარდაცვლილი 19 წლის იყო.
როგორც ირკვევა, ხეთაში გაზიფიცირების სამუშაოებს შპს „სამშენებლო კომპანია – მშენებელი 2011“ აწარმოებს, რომელიც „სოკარ ჯორჯიას“ ქვეკონტრაქტორ კომპანიაა.
"ნეტგაზეტის" ინფორმაციით, "სოკარში" განაცხადეს, რომ შემთხვევა დღეს დილით ადრე მოხდა, ხოლო ამ დროისთვის ადგილზე იმყოფება “მშენებელი 2011″–ის ხელმძღვანელი და სიტუაციაში გარკვევას ცდილობს.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
