რუსთავში, ლეონიძისა და ტაშკენტის ქუჩების კვეთაზე, რესტორან „ლაზიკასთან" ავტოსაგზაო შემთხვევა მოხდა.
არსებული ინფორმაციით, ერთმანეთს „მერსედესისა" და ,,ნისანის" მარკის ავტომობილები შეეჯახნენ.
ავტოსაგზაო შემთხვევის შედეგად დაშავდა „ნისანის" მძღოლი. დაშავებული სასწრაფო დახმარების ბრიგადამ კლინიკა „რუსთავში" გადაიყვანა.
ექიმების ინფორმაციით, ახალგაზრდა მამაკაცის სიცოცხლეს საფრთხე არ ემუქრება, რაც შეეხება მეორე ავტომანქანის მძღოლს, მას დაზიანებები არ მიუღია.
ადგილზე მობილიზებული იყო საპატრულო პოლიცია და სასწრაფო დახმარების ბრიგადა.
