თბილისში, ვაჟა ფშაველას პირველ ჩიხში მდებარე საცხოვრებელ კორპუსში, მე-7 სართულზე 50 კვ.მ. საცხოვრებელი ფართო დაიწვა. დაზიანდა ასევე კორპუსის მე-8 სართული. ადგილზე ექსპერტ-კრიმინალისტები მუშაობენ.
კორპუსის მცხოვრებთა განცხადებით, ხანძრის გამომწვევი მიზეზი გაზის გაჟონვაა. მათი თქმით, დილის 7 საათზე აფეთქების ხმა გაიგეს. ბინაში ამ დროს ასაკოვანი ქალი იმყოფებოდა, რომელიც მაშველებმა დროულად გამოიყვანეს.
სახანძრო-სამაშველო და სასწრაფო დახმარების ბრიგადები ადგილზე დროულად მივიდნენ.
„შემთხვევის ადგილზე ოპერატიულად გამოცხადდა 5 სახანძრო ბრიგადა, ამ დროისთვის ხანძარი სრულად არის ლიკვიდირებული. შემთხვევის შედეგად არავინ დაშავებულა“,- განაცხადა ვაკე-საბურთალოს სამაშველო სამსახურის უფროსმა.
ფოტო: იმედი
