თბილისში, საქართველოს სავაჭრო-სამრეწველო პალატის ცენტრალურ ოფისში ჩატარდა ტრენინგი "სურსათის უვნებლობის მოთხოვნები პირველადი წარმოებისათვის". ტრენინგი ევროკავშირის თანადაფინანსებით მიმდინარე პროექტის „მცირე და საშუალო მეწარმეობის განვითარება და DCFTA საქართველოში“ მხარდაჭერით გაიმართა, რომელსაც გერმანიის საერთაშორისო თანამშრომლობის საზოგადოება (GIZ) ახორციელებს.
ტრენინგს საქართველოს სოფლის მეორნეობის სამინისტროს სსიპ.“სურსათის ეროვნული სააგენტოს“ სურსათის დეპარტამენტის სამმართველოს უფროსი- მაია ბერუაშვილი უძღვებოდა.
ტრენინგის შინაარსი მოიცავდა სწავლებას პესტიციდების სწორ გამოყენებასა და ისეთი პირველადი პროდუქტის (სურსათის) მოყვანის შესახებ, რომელშიც პესტიციდების შემცველობა ზღვრულად დასაშვები რაოდენობითაა. აგრეთვე, პესტიციდების კატალოგის გამოყენებას, სასურველი პესტიციდის მოძიებას და სწორ გამოყენებას. ასევე, პირადი უსაფრთხოების წესებს პესტიციდების გამოყენებისას.
DCFTA საინფორმაციო ცენტრები სავაჭრო-სამრეწველო პალატასა და „მცირე და საშუალო მეწარმეობის განვითარება და DCFTA საქართველოში“ პროექტს შორის თანამშრომლობის ფარგლებში ჩამოყალიბდა. აღნიშნული პროექტი მცირე და საშუალო მეწარმეებს კონკურენტუნარიანობის გაზრდასა და ევროკავშირთან თავისუფალი სავაჭრო სივრცის პირობებში ჩამოყალიბებულ ახალ მარეგულირებელ გარემოსთან ადაპტირებაში ეხმარება. პროექტი ევროკავშირის ინიციატივა EU4Business-ის ფარგლებში ხორციელდება. აღნიშნული ინიციატივის მიზანია დაეხმაროს მცირე და საშუალო მეწარმეებს ისარგებლონ საქართველოსა და ევროკავშირს შორის თავისუფალი სავაჭრო სივრცის შესახებ შეთანხმებით. ინიციატივა ხელს უწყობს ბიზნეს გარემოს გაუმჯობესებას, მეწარმეების ცოდნისა და უნარების ამაღლებას და ფინანსებთან ხელმისაწვდომობას.
