თბილისიდან სვერდლოვსკისკენ მიმავალ ავტობუსს ავარია შეემთხვა. რუსული მედიის ინფორმაციით, ადგილობრივი დროით 05:05 საათზე, სარატოვთან „მერსედესის“ მარკის ავტობუსს „ლადა კალინა“ შეეჯახა, რის შედეგადაც ავტობუსი ამოტრიალდა, „ლადას“ 24 წლის მძღოლი კი გარდაიცვალა. დაშავებულია 10 ადამიანი.
მათ სამედიცინო დახმარება ჩაუტარდათ. ექიმებმა 36 მგზავრი შეამოწმეს, რომლებსაც სამედიცინო დახმარება არ დასჭირდათ. დაშავებულთა შორის ბავშვები არ არიან. ავარიის შედეგად, ავტობუსის მძღოლი ჰოსპიტალიზებულია.
